நாஞ்சில்நாட்டு வட்டார வழக்கு சொல்லகராதி

தமிழினி, சென்னை, நவம்பர் 2004.

ரூ. 65, பக். 144, டெம்மி அளவு, அச்சில் இல்லை.

            தமிழக வட்டார வழக்கு அகராதி வரிசையில் ஒன்று. தமிழ் பல்கலை பேராசிரியர் ராஜாராமின் அணிந்துரை, ஆசிரியரின் முகவுரை என அமைந்தது. இந்த அகராதியில் 3423 சொற்களும், 60க்கு மேற்பட்ட வரைபடங்களும் உள்ளன. இந்நூல் பற்றி ப. கோலப்பன் இந்தியன் எக்ஸ்பிரசில் எழுதிய விமர்சனத்தில் (25.02.2005) “… கடின உழைப்பு, கள ஆய்வில் செய்திகளைத் திரட்டி வகைப்படுத்தல், புத்தகங்களின் ஆழ்ந்த வாசிப்பு மூன்றும் இவரது பிளஸ் பாய்ன்ட்ஸ். இதன் பலன் இந்த அகராதி” என்கிறார்.

            உங்கள் நூலகம் மாத இதழில், பெருமாள் முருகன் (செப்டம்பர் 2008) இந்த அகராதி பற்றி விரிவாக எழுதியிருக்கிறார். இவர் “... இவ்வகராதிக்கு எழுதியுள்ள முன்னுரை தனிச்சிறப்புடையது. தனியார் நிறுவனங்கள், கல்வி நிறுவனங்கள் உள்ளிட்ட எவற்றின் உதவியும் இல்லாமல் சுயஆர்வம் ஒன்றையே மூலதனமாகக் கொண்டு இக்காரியத்தை நிறைவேற்றியுள்ளார் அ.கா. பெருமாள்; போற்றுதல் நம் கடன்” என்கிறார்.