இயக்கியம்மன் கதையும் வழிபாடும் (ப.ஆ.)

ஸ்ரீ செண்பகா பதிப்பகம், சென்னை, ஜூலை 2012.

ரூ. 45, பக். 136, டெம்மி அளவு, அச்சில் இல்லை.

            தென் மாவட்டங்களில் வழக்கில் உள்ள நீலி அல்லது இயக்கியம்மன் என்ற தெய்வத்தைப் பற்றிய கதைப்பாடல் பதிப்பு. இதில் முகவுரை இயக்கி கதையும் வழிபாடும் என்னும் விரிவான கட்டுரைகள் இயக்கி கதைப் பாடல் மூலமும் உண்டு. நீலிகதை என்ற கதை மூலமும் உண்டு. பின்னிணைப்பில் இயக்கி தொடர்பான 11 கதைகள் உள்ளன. இவை எல்லாமே கள ஆய்வில் தொகுக்கப்பட்டவை.

            இந் நூலாசிரியர் 1981இல் மதுரை காமராஜர் பல்கலையில் பி.எச்.டி. ஆய்வுக்காகப் பதிவு செய்த தலைப்பு ‘இசக்கி வழிபாடு’. சில காரணங்களால் ஆய்வு தொடரவில்லை. அப்போது தொகுத்த செய்திகளை யாத்ரா மும்மாத இதழில் (வெங்கட்சாமிநாதன் ஆசிரியர்) வெளியிட்டார். அந்தக் கட்டுரையும், இயக்கியம்மன் பற்றி அப்போது தேடி எடுத்த நீலி கதையும் இந் நூலில் உள்ளன.

            இந்நூலை வெளியிட தமிழ் வளர்ச்சிக் கழகம் நிதியுதவி செய்துள்ளது.